მინიმა

 მინიმალისტური პოეზიიდან:

ქარი უბერავს და ასფალტზე

ლიცლიცებს წყალი,

ალვის ტოტები და ფოთლები

მოჩანან შიგნით,

და ამ ჩემს გულში, ნაისრალში,

მიდგება მჭვალი,

ცრემლით დალტობილს რომ ვიხსენებ

დიდ ტაძარს იშხნის.

მაია დიაკონიძე

26.10.2026 წელი

იშხანი - დღევანდელი თურქეთის ტერიტორიაზე

სიყვარული (ჩანახატი)

 სიყვარული

(ჩანახატი)

სიყვარული, ზოგიერთმა ადამიანმა, კაცებიც იყვნენ და ქალებიც, ტომარაში მოაგროვეს, სათითაოდ გამოაცალეს სულიდან ადამიანებს და ის იყო ოკეანეში უნდა გადაეგდოთ, დედამიწელებისთვის ზედმეტი ბარგიაო, რომ შორიახლოს ნაპირთან ბავშვის ტირილი გაისმა. ბედს დამორჩილებული სიყვარული, ადამიანებმა თავიანთი გულებიდან თვითონ განმდევნესო, ძილს მისცემოდა, მაგრამ ბავშვის ხმა გულამდე მისწვდა. ნეტავ რა აწუხებს, იქნებ დედა დაკარგა ან საყვარელი კატა ან ძაღლი?!

- ბებიასთან მინდა, - გაისმა სიტყვები.

- საქართველოში მინდა! - ტიროდა პატარა.

არა, ბავშვს უნდა დავეხმარო, გაიფიქრა სიყვარულმა, სურვილი უნდა ავუსრულო, მერე რაც უნდა ის მიქნან. გამოგლიჯა ტომარა, ჯვრებიან ფერადწინდებამოცმულ ბავშვს ხელი ჩაჰკიდა და საქართველოსკენ გაეშურა.

დღეს იმ ბავშვის გულშია ყველაზე დიდი სიყვარული. დავესესხოთ მას, მთელი დედამიწის სიყვარული რომ დაიტია.

მაია დიაკონიძე@

24.10.2026 წელი

მე მეგონა

მე მეგონა

მე მეგონა გმირი ვიყავ,

არაფერიც არ ვიყავი,

,,რად მოგაქვსო თავი ნიყვად,

ტყუილად ნახე ეგ სიზმარი.

არც ფული გაქვს,არც დიდება,

ვერც სამშობლოს არგე რამე",

მხოლოდ უფალი მპირდება 

მაღლა საქმეს მომიგვარებს!

მაია დიაკონიძე

21.10.2026 წელი

მინიმა

 მინიმალისტური პოეზიიდან:

მაკლდება თვალში თანდათან შუქი,

და ეს თვალებიც დაპატარავდა,

და ახლა მხოლოდ უფალმა უწყის, -

მზის ნაცვლად ღამე შემრჩა არადა.

მაია დიაკონიძე

20.10.2026 წელი

ქუდი ისე დაიხურე! (სიმღერა), ინგლისურად თარგმნა მზია კვირიკაშვილმა( Mzia Lawrence )

 ქუდი ისე დაიხურე!

ქუდი ისე დაიხურე,

არ მითხარი ,,ნახვამდის",

ისე ჩადი საფეხურებს,

თვალებს ჩემგან მალავდი.

გაგატანდი ზურგზე კოცნებს,

შენზე იყოს ,,ჰალალი",

არა მკითხე: ,,ახჩიკ, ვონცეს",

ვერც მე მოგეც სალამი.

არ მკითხულობ, არც გიკითხავ,

აგრევია გზა-კვალი,

მხოლოდ ერთი დამრჩა კითხვა,

ვინ იპოვე სხვა ქალი?!

*

You put on your hat like that,

Without saying "goodbye",

You walked down the steps, as if

You were hiding your eyes from me.

I would kiss your back and shoulders,

With words: "Halal be upon you."

You didn't ask me: "Akhchik, Vontse",

And I couldn't even greet you.

You don't call me... and I do the same,

It seems you have lost your way

I only have one question left:

Whom have you found? A new woman?

ჩემი ნაწარმოებების სია, 2026 წელი

1. ლექსები: ,,ლექსი გამიდიდგორდა", ,,თეთრო გიორგი", ,,არაგვს", ,,დედაჩემს!", ,,შენ არაგვივით მოჰყეფდი", ,,შენ რომ მაჩუქე", ,,ვაი, ვერ გამოვიცანი!", მგელს!", ,,როცა სიკვდილშიც ეძებ რაღაცას!", ,,მინდა გიყვარდე!", ,,სიზმარში გნახე!", ,,როცა შენ დაგინახე!", ,,ღმერთო!", ,,ბაბუაჩემი", ჟურნალი ,,ოლე", N 2 (77), 2026 წელი, გვ. 20-23

2. ,,ოსტატი და მისი ნახელავი, კავშირები და უკუკავშირები", გვ.4, ,,ლიტერატურული საქართველო", 23 თებერვალი, 2026 წელი, N 4,(4117)

3. მინიატურები: ,,არკანზასის საავადმყოფოში", ,,წითელი ფეხსაცმელები", ,,ნაკვალევი თოვლში", ,,ლიტერატურული საქართველო", 29 ივნისი,  N 13,(4126), 2026 წელი

საბავშვო ლიტერატურა:

1. ,,მხიარული დილა", ჟურნალი ,,დილა", N 1-2, 2026 წელი, გვ.4, 

2. ,,როგორ გაჩნდა გვირილა", ჟურნალი ,,დილა", N3, 2026 წელი, გვ.16-17

3. ,,გაფრენა მთვარეზე", ჟურნალი ,,დილა", N5, 2026 წელი, გვ. 20-21

4. მხიარული ლექსები: ,,გაშვილება", ,,უცნაური ამბავი", ,,ზაზა და ზუზუ", ,,გოჭი და თეო",

ჟურნალი ,,დილა", N6,  2026 წელი, გვ. 4 -5

5. ,,სამი მარია", ჟურნალი ,,დილა", N 7- 8, 2026 წელი, გვ.6-7

ქუდი ისე დაიხურე! (სიმღერა)

ქუდი ისე დაიხურე!

ქუდი ისე დაიხურე,

არ მითხარი ,,ნახვამდის",

ისე ჩადი საფეხურებს,

თვალებს ჩემგან მალავდი.

გაგატანდი ზურგზე კოცნებს,

შენზე იყოს ,,ჰალალი",

არა მკითხე: ,,ახჩიკ, ვონცეს",

ვერც მე მოგეც სალამი.

არ მკითხულობ, არც გიკითხავ,

აგრევია გზა-კვალი,

მხოლოდ ერთი დამრჩა კითხვა,

ვინ იპოვე სხვა ქალი?!

მაია დიაკონიძე

16.10.2026 წელი