დღეიდან...
დღეიდან ჩემს გულს ვხურავ და ვკეტავ,
ან რა ყოფილა ერთი ავტორი?!
რამდენი ხანი გავუძლებ ნეტავ,
აღარ ვიკითხო ჟორჟ სანდი, კაფკა,
ჩამოვიშორო ყველა საცდური,
მივხედო მიწას, ყანას და სამკალს,
დავწურო ღვინო - ალადასტური.
რით ნაკლებია ,,შენ ხარ ვენახი",
ანდა ,,ნადური", ანდა ,,მთიბლური",
ჩემი წინაპრის - დიდ მეინახის,
მსურს მოვისმინო ჰანგი ციური.
მაია დიაკონიძე
17.06.2024 წელი
No comments:
Post a Comment