წამოგვაყენეთ!
თუ ერთმანეთის ჩვენ აღარ გვესმის,
მუხებს გლეჯს ფესვით ქარი აშარი,
ვარდის მაგივრად ვახარეთ ძეძვი,
დიდ სასაფლაოდ ვუმზერთ ჩვენს მიწას,
გმინავენ უკვე წინაპართ ძვლები,
- მოიზილება ახალი თიხა?!
წამოგვაყენეთ, - მოისმის ხმები!
აგერ ამირან ჩამოხსნეს კლდიდან,
ბადრი, უსუპი მოდიან ძმები,
წამოიმართა კოპალა ქვიდან
და იახსარი მოუდგა გვერდით.
- მოიზილება ახალი თიხა?!
წამოგვაყენეთ, - ყვირიან ხმები,
ველოდოთ კიდევ გრიგალებს დიდხანს,
თუ შევარყიოთ სამშობლოს მთები!
მაია დიაკონიძე
6.07.2024 წელი
კოპალა, იახსარი - გმირები ღვთიშვილთა რიგიდან, დაამარცხეს დევები, რის მერეც ისინი უხილავნი გახდნენ
No comments:
Post a Comment