მოლაღურს!
რა ლამაზი ხარ, ჩიტუნავ,
ვერ გწყვეტ თვალსა და მზერასა,
შემოგნთებია მზისფერი,
თუ ჰყვარებიხარ მზესაცა.
თქვი, მოლაღურო, სათქმელი,
ნუ, ნუ მოაცდენ ენასა,
მინდა, სულ მუდამ ვუსმინო,
შენს გალობას და სტვენასა,
ღვთის სადიდებელს მღერიხარ,
მოგიღერია ყელიო,
დაგლოცავ, - შენს პირს შაქარი,
ო, რა ლამაზად მღერიო,
დღისით კაცის ძეს ახარებ,
ღამე შენ გისმენს ყოველი,
როგორაც ციცინათელას,
იმედად ისე მოგელი.
თქვი, მოლაღურო, სათქმელი,
ნუ, ნუ, მოაცდენ ენასა,
მინდა, სულ მუდამ ვუსმინო,
შენს გალობას და სტვენასა.
მაია დიაკონიძე
3.07.2024 წელი
No comments:
Post a Comment