პრემია ,,მუხრანი" 2026 წელი

 #ლიტერატურულიკონკურსი

#მუხრანისპრემია_პოეტურიმინიატურები
საჩხერის მუნიციპალიტეტის მერია აცხადებს კონკურსს ,,მუხრანის პრემია-პოეტური მინიატურები.“
კონკურსი იმართება პოეტურ და პროზაულ მინიატურაში. მასში მონაწილეობის მიღება შეუძლია ნებისმიერ დაინტერესებულ პირს 18 წლის ასაკიდან.
კონკურსანტს უფლება აქვს ნაწარმოები წარადგინოს მხოლოდ ერთ-ერთ ნომინაციაში (პოეზია, ან პროზა). პოეტური ტექსტის ავტორს, არ აქვს უფლება მონაწილეობა მიიღოს მინიატურული მოთხრობის ნომინაციაში და პირიქით.
საკონკურსოდ წარმოდგენილი ლექსი უნდა შეიცავდეს მინიმუმ 2 და მაქსიმუმ 6 სტრიქონს. თითოეულ ავტორს ამ ნომინაციაში შეუძლია გამოაგზავნოს არაუმეტეს 3 ტექსტისა.
საკონკურსოდ წარმოდგენილი პროზაული ტექსტი უნდა შეიცავდეს მაქსიმუმ 50 სიტყვას (გამოიგზავნება მხოლოდ 1 მოთხრობა). მინიატურას უნდა ახასიათებდეს შეკრული კომპოზიციური სტრუქტურა (დასაწყისი, კულმინაცია, დასასრული), აზრობრივი სიღრმე.
 საკონკურსოდ წარმოდგენილი ნაწარმოებები უნდა იყოს გამოუქვეყნებელი.
საკონკურსო ნაწარმოები უნდა გამოიგზავნოს ელექტრონული ფორმით მისამართზე: mukhranispremia@gmail.com, ავტორის სახელისა და გვარის, სამუშაო, საცხოვრებელი ადგილის ან სასწავლებლის მითითებით. ნაწარმოების გამოგზავნის ბოლო ვადაა 15 სექტემბერი.
გამარჯვებულ ნაწარმოებებს (პირველი, მეორე, მესამე პრემია) გამოავლენს ჟიური.
- პირველი პრემია-1250 ლარი;
- მეორე პრემია -1000 ლარი;
- მესამე პრემია-750 ლარი;
- საუკეთესო პროზაული მინიატურა - 750 ლარი.
გამარჯვებულთა დაჯილდოება გაიმართება მიმდინარე წლის შემოდგომაზე, სოფელ არგვეთში, მუხრან მაჭავარიანის სახლ-მუზეუმში.
დამატებითი ინფორმაციისათვის
ტელეფონის ნომრები:
5 77 97 74 63
599 99 91 63
ელ-ფოსტა: mukhranispremia@gmail.com.