ნეტავ, შენ რა გაკვირვებს?!
ნეტავ, შენ რა გაკვირვებს,
მეგობარო ქართველო?!
თუ კი პირი შეუკრავთ
იორსა და ალაზანს,
სადა ხართ, არწივებო,
არწივების მართვენო,
დარჩენია მამული
გადამთიელ ავაზაკს.
ნეტავ, შენ რა გაკვირვებს,
მეგობარო, ქართველო?!
დაელია შენს ზეცას
სიყვარულის მარაგი,
ჰოი, ჩვენო სახლო და
უპატრონო საბძელო,
აღარ შხუის თერგი და
აღარ მოჰყეფს არაგვი.
მაია დიაკონიძე
19.09.2026 წელი
No comments:
Post a Comment