მაღაროში დაღუპულებს!

დატანჯულ სხეულს, გამოკეტილს ნახშირის ყუთში,
გამოიტანენ დღის სინათლეზე, რომ ვნახოთ უკეთ,
ნამოქმედარი ჩვენს მოძმეთა, ჩვენივე ხელთა,
ნავსაყუდელზე მტვრეულ ძვალთა ქვითინებს დედა,..

ვუძღვნი მაღაროში დაღუპული მუშების ხსოვნას

დავხუჭე დიდი თვალები,
შიგნით სამყარო ცხოვრობდა,
დღეს იქეთ ესე ქვეყანა
კაცივით გამიუცხოვდა,
ცოლი, შვილი და მოყვარე
კუბოს თავს წინე უძღოდა,
დამნაშავეთა სირცხვილით
თავზე ლეჩაქი ხუროდათ.
მუშა მაღაროს მკვდარი ვარ,
აქ დამიხუჭავს თვალები,
მაგრამ სული თქვენ გიცქერით,
სასჯელს ვერ დაემალებით,
აღარ დამცალდა სიცოცხლე,
ასე ძლიერ რომ მიყვარდა,
ცოლს და შვილს ეცით პატივი,
ნუ გაახარებთ მქირდავთა.

ცხოვრების კრედო

თუ რაც გასწავლეს შენმა მშობლებმა,
შენთვის არ გახდა ცხოვრების კრედო,
მაშინ შენს ბედსაც ტყუილად უჩივი,
ცხოვრების არსზეც ამაოდ ყბედობ.

როცა მემოსა აპრილის კაბა

როცა მემოსა აპრილის კაბა,
ყურშიც მესმოდა ჩუხჩუხი წყალთა,
დღეს შემოდგომის ფერები მმოსავს,
გარემოს იკლებს ჩხავილი ყოვთა.

ქალის სული ამაყი და ურჩია (სახუმარო)

ქალის მსგავსი, ქალის დარი არსება,
ღმერთმა ნუ ქნას, დავინახოთ კაცში,
ჭორაობა მხოლოდ სუსტ სქესს "უხდება",
სხვისგან მესმის - მაჟრიალებს ტანში.
ქალის სული ამაყი და ურჩია,
ალერსი და მოფერება უყვარს,
ღმერთმა შექმნა მამაკაცის ნეკნისგან,
"მოუფრთხილდი, ვით შენს ნაწილს", უთქვამს,
მაგრამ უყვართ, სანამ ალვა ნორჩია,
სილამაზით გარე იკრებს მორჩილთ,
მერე, როცა ჟამად მიინავლება,
ქათამივით ძირს ათრევენ ქოჩრით!

გამონათქვამები

  წნინდა გულის ადამიანი ყოველთვის ბედნიერია, მის სულში ია და ვარდი ხარობს, ვერ ამჩნევს ბოროტებას და უკეთურობას, რადგან ვერ წაროუდგენია, რომ ისინი არსებობენ!

  ყველა ადამიანს აქვს გულში ერთი კუთხე, რომელშიც არავინ არ უნდა შეახედო, თორემ შეიძლება საყოველთაო დაცინვის და გაქიაქების ობიექტი გახდე. ადამიანებმა დანდობა არ იციან!

   როცა ვერ გიგებენ, გაჩუმდი, თითოეული შენი სიტყვა შეიძლება სამარცხვინო ბოძზე გააკრან და გაგანადგურონ ფიზიკურადაც და მორალურადაც. ნუ დაიხარჯები ასეთი ადამიანებისათვის!


    მაღალი მორალური პრინციპები საზიანოა იმ ადამიანისთვის, ვინც ამას იყენებს თავისი პატივმოყვარეობის დასაკმაყოფილებლად, შემომხედეთ, რა კარგი ვარ, თქვენ გჯობივართო, თვით იესო ქრისტეც კი თავმდაბლობის მაგალითი იყო.

    ძალიან ძნელია, სხვა ადამიანებს აუხსნა შენი გაჭირვება, ხშირად, არც გინდა, ვინაიდან არავინ მოგეხმარება, ჭორაობის ობიექტი კი შეიძლება გახდე. მართლაც, არავინ არ იცის, ვის სულში რა ცეცხლი ტრიალებს, ჩვენი ქმედებებით ან უმოქმედობით შეიძლება, ნავთიც კი დავასხათ გაღვივებულ ნაღვერდალს და ხანძარიც გამოვიწვიოთ, რასაც ზოგჯერ ადამიანის სიცოცხლეც ეწირება.

      იმედგაცრუება ვინმეს ან რამის მიმართ ადამიანისთვის მძიმე დარტყმაა, შეიძლება ცხოვრების ხალისიც კი დაუკარგოს და დეპრესიის. უიმედობის ჭაობში ჩაძიროს, ამიტომაა, რომ ვცდილობთ მშობლების, ახლობლების თვალში მუდამ ღირსეულ ადამიანებად დავრჩეთ და დავიცვათ ისინი სულიერი ტრამვებისაგან. კაცი, ვინც ამას არ აკეთებს, მხეცს უტოლდება, რომელიც გულგრილია თავისი თანამოძმეების ტანჯვის მიმართ.

ერთხელაც ფიფქებს ჩამოთოვს ციდან

ერთხელაც ფიფქებს ჩამოთოვს ციდან
სიხარულის და ბედნიერების,
დაეფინება დატანჯულ მიწას,
რომლის გულშიაც ოცნებებს სძინავთ,
გაშლიან ფრთებს და დარახტულები
გადაასწრებენ ღრუბლებს ჭენებით.