სიკვდილი მაინც მალია
სხეული - სულის გალია,
გვიჭერს ტიალი, ვერანი,
სიკვდილი მაინც მალია,
იქ გავფრინდებით ყველანი.
გველს ვერასოდეს გაათბობ,
ფუჭია გულის მურაზი,
ვერ დაგამშვიდებს ბარამბო,
ცხოვრების შხამს სვამს გულადიც.
იღბალთან მუდამ ვთამაშობთ,
სანამდე გვყოფნის ძალები,
,,საცა არა სჯობს, გაცლა სჯობს,"
თუმც ბედს ვერ დავემალებით.
სხეული - სულის გალია,
გვიჭერს ტიალი, ვერანი,
სიკვდილი მაინც მალია,
იქ გავფრინდებით ყველანი.
მაია დიაკონიძე
24.03.2026 წელი
No comments:
Post a Comment