ვეღარაფრით მაკვირვებ!
ვეღარაფრით მაკვირვებ,
ვეღარაფრით გაკვირვებ,
დაფარული არა ჩანს
მაინც ვერა ვნახულობ
შენს თვალებზე საკვირველს
და ვერ მომიძებნია
სიტყვა რამ შესაფერი.
ჩამომსხდარან რტოებზე
შენი ლექსის პწკარები,
სიყვარულით ებრძვიან
ყოფას ნაცრისფერიანს,
ამოავსონ სწადიათ
ჩემი გულის ბზარები
და ყოველდღე ჯიუტად
ზეცის გახსნას ელიან.
ვეღარაფრით მაკვირვებ,
ვეღარაფრით გაკვირვებ,
დაფარული არა ჩანს
უკვე აღარფერი,
მაინც ვერა ვნახულობ
შენს თვალებზე საკვირველს
და ვერ მომიძებნია
სიტყვა რამ შესაფერი.
მაია დიაკონიძე
25.12.2025 წელი
No comments:
Post a Comment