ვარსკვლავი გაბრწყინდა ცაზე
შობის ღამე დგებაო,
დიდებსაც და პატარებსაც
ყველას გვემღერებაო.
ღამე არის ჯადოსნური,
ციმციმებენ სანთლებიო,
ბრჭყვიალებენ ნათურები,
გააქვთ აურზაურიო.
გაიხსნება ზეცის კარი,
ძირს წამოვა ფანტელიო,
ყველას პირზე გვაკერია
ყრმა იესოს სახელიო..
ჩვენც ალილო შემოვძახოთ,
მადლი ვუძღვნათ გამჩენსო,
საიდუმლო საიდუმლოდ
აღარ უნდა დარჩესო.
დიდი და პატარა მღერის,
ალილო და ალილო,
დაგებედოთ დიდ სუფრებზე
ბარაქა და ხვავიო.
.
