სუნია მიწის (პატრიოტული)

სუნია მიწის...

სუნია მიწის, სუნია ქერის,

სუნია ხორბლის, სუნია შვრიის,

გზის პირას ნაზი ბაბუაწვერა

ქართან მსუბუქ ფლირტს ისევ არ იშლის.

გაღმაგაწოლილს გავცქერი სოფელს,

დარდი თვალის ჩინს ქურდივით მპარავს,

იმ დღეს პეპლები მელოდნენ მოლზე,

მე კი გავყევი ქალაქის შარას.

და ახლაც ვნანობ და ახლაც ვფიქრობ,

ნაღვლიანად რომ მიცქერდა ძაღლი,

ჩემსავით ხომ არ დაადგა იწროს...

და დაუღამდა ჩემსავით დაღლილს..

მაია დიაკონიძე

23.12.2023 წელი