ჯანინა ხერგიანს

/ფშაურ კილოზე/

თავს შამოევლოს სუყველა,

რაფაელა და ტანია..

ქალები ათასფერები,

თუნდ შავი ქონდეთ კანია..

ასის წლისაც კი სჯობია,

ვის შაალია ჯანია..

რაც ამან ბარში საქმე ქნა,

სხვა ვერ იზამდა სვანია..

ზეპირად იცის კანონში,

,,ბადანტეს" ანი-ბანია..

აჩმორა იტალიური

მაფიოზების კლანია..

ოთხი გაძაგრა ორ თვეში,

ბევრი არ არი ხანია..

წესით და რიგით ,,დამზითვა",

ცრემლი არ დაუნანია..

დღევანდელ რეიტინგებით,

ჩემპიონი გვყავ ჯანია..

ას წლამდე სადამდე ავა,

მე ხელი დამიბანია

პატ.გელა ციგროშვილი

3.08.23

ყველა რეაქცია:

13თქვენ, ელგუჯა ციგროშვილი, Eka Gigauri და 10 სხვა პიროვნება

ელგუჯა ციგროშვილი

გელას კაფიის გაგრძელება .

( ფშაურ კილოზე .)

1 . ძმაო , ეგ საქმე

არ არი

შავ ~ თეთრი

ძაფით ნაკერი ,

რომის სენატის

ვებ ~ გვერდზე ,

მეცა მყავ

ერთ ~ ორ ჰაკერი .

2 . ჯანინაზე რომ

ჰყვებიან ,

ნაღდია ,

განა ჭორია ,

სულ ფრიადებზე

უსწავლავ

რომის და

ჩვენ ისტორია .

3 . სისხლის აღება ,

ძველთაგან

მთის ადათი

და წესია ...

მაშ რა ეგონა

პომპეუსს , ~

მცხეთას

რომ შამეესია? !

4 . იტალიაში , ბებიებს ,

მუსრი გაავლო

იმ წამში...

ვით ვინჩესტერში

ვაზნები ,

ისე ჩააწყო

მიწაში ...

5 . ეს საშაყიროდ ...

ისე კი ,

არვისთან დარჩა

ვალია ,

არც ცრემლი

დაუმადლებავ ,

ქალი , ~

სუყველგან ქალია !

6 . სურათზე

,, პირბოთლიანი, "

ბევრს მაიმრავლებს

მგმობარსა ...

ჩვენ სულიწმიდა

გვკარნახობს :

სვამს იმათ

შესანდობარსა !

ელგუჯა ციგროშვილი .

ქ . თესალონიკი .

3 აგვისტო , 2023 წელი .

დღეს სტუმრები ვართ (სატრფიალო)

 შენ ჩემს თვალებში ცვლი პეიზაჟებს,

დღეს ტაჯ-მაჰალის ოქროს კოშკში ვარ,

ასე მგონია, დაიგვიანებ,

სამისთვის გელი, უკვე ორია.

ტკბილი შარბათი შეგასვა მინდა,

გემოს გასინჯავ თაფლივით ყურძნის,

გრძნობით სავსეა ეს სული წმინდა,

მკერდზე მინდა რომ მომადო ყური.

ისმინო ჩემი გულის ფრიალი,

შენს დანახვაზე აფრებს რომ გაშლის,

გადამავიწყდეს ბედის რიალი, 

დღეს სტუმრები ვართ ჩვენ ტაჯ-მაჰალის.

ქიში და მატი

ქიში და მატი!

სულში აგვისტოს მდუმარებს ხვატი,

მაინც ჭიკჭიკებს ლაღად მერცხალი,

არ მინდა გითხრა: ქიში და მატი!

ორ სახეს ვხედავ ერთი მედალის.

და თუ შენს თვალში არ ვჩანვარ ოქროდ,

თამაშს აგრძელებ რიდით და ხათრით,

გთხოვ, თვალთმაქცობას მოუღო ბოლო,

შენ თვითონ მითხრა: ქიშიც და მატიც!

მაია დიაკონიძე

2.08.2023 წელი

ქიში -მდგომარეობა ჭადრაკში, როდესაც მეფეს მოწინააღმდეგის რომელიმე ფიგურით ან პაიკით თავდასხმა ელის.

მატი - საჭადრაკო ტერმინი, იგივე შამათი: მეფე მკვდარია

მინიმა

 როცა ვერ ვამბობთ სათქმელს ბოლომდე,

ვსვამთ სიტყვის ბოლოს წერტილს და მძიმეს,

შენს სიყვარულში, უფალო, ღმერთო,

შეჩერებაც კი ვერ დავაპირე.

სახუმარო

 ზოგს თუთიყუში მოსწონს და

ზოგს მომღერალი ბულბული,

ზოგს - ჩიტი იყოს ოღონდაც,

ფერადი ესხას  ბუმბული.

არ ვდავობ გემოვნებაზე,

ან რას გაიგებ კაცისას,

დავიარებით ცერაზე,

ვურევთ სატირალ-საცინარს.

ასე სცოდნია სიყვარულს,

ნაჭრით ახვევა თვალების,

ხან გნოლს  ვუწუნებთ სიარულს,

თუთიყუშს მივეძალებით.

ლესია უკრაინკას!

 ჭის თავზე ვზივარ, საიდანაც წყალს სვამდი ქართულს,

თავს სიყვარულის გევლებოდა პეპელა ხათუნს,

თუმც არ იყავი არც სპარსელი და არც არაბი,

მზის ქვეშ თბებოდა შემცივნული სული მარადი.

სნეულ სხეულს ხომ სითამამეს ყაყაჩო გგვრიდა,

და გიამებდა შმაგ ტკივილებს ქართული მიწა.

და მონატრების ნათელ ფურცლებს ფურცლავდა ქარი,

ვერ ივიწყებდი უკრაინას პოეტი ქალი.

 ჭის თავზე ვზივარ, საიდანაც წყალს სვამდი ქართულს,

თავს სიყვარულის გევლებოდა პეპელა ხათუნს,

არ მინახავხარ! (სატრფიალო)

 არ მინანახიხარ ივლისის მერე,

ახლა მცხუნვარე დადგა აგვისტო,

უდგამენ მუზებს ცადაწვდილ ძეგლებს,

თაჯ-მაჰალიც ხომ მიტომ აიგო.

ხან ცოცხალ ძეგლებს ვხედავთ გზადაგზა,

დაღარულ მუხას ზეცამდე ტანით,

სჯობია ლექსი ზოგჯერ ზარბაზანს,

პოეტის სიტყვა უფალთან ადის...

არ მინანახავხარ ივლისის მერე,

ახლა მცხუნვარე დადგა აგვისტო,

უდგამენ მუზებს ცადაწვდილ ძეგლებს,

თაჯ-მაჰალიც ხომ მიტომ აიგო.