ქვის კედელში ვარ გამოკვეთილი,
ვერ გადამრეცხა დელგმამ და წვიმამ,
კავკასიონის კლდიდან მონატეხს,
უძღებ შვილს, დარდით მელოდნენ შინაც.
სხვა ქვეყანაში გადახვეწილმა,
სხვა ნიადაგში გავიდგი ფესვი,
დილით ვუსმენდი მამლების ყივილს,
მამათა სისხლი აყვირდა ჩემში.
ვტეხე და ვლეწე ციხე-კედლები,
რომ ცხრაკლიტული გამეხსნა გზების,
მშობლიურ კუთხეს გადავარდნილი
ერთი ნატეხი დავბრუნდი გზნებით.
No comments:
Post a Comment