კაფია
ელგუჯა ციგროშვილი
(ეკას)
მივესალმები ეკასა
თავის ფეხით რომ მისულა
მინოსის ლაბირინთებში.
მაგას არც რამის შიში აქვს,
მაღლა ღრუბლებში ასულსა
სუყველას გაუსწორდება
კუდიანსა და ავსულსა.
ბებოც ხომ ,,პოლზე" აწყვიტა
შეფასება აქვს იპონის...
ეგ მინოტავრსაც მოთეთქვამს
თუკი მანდ სადმე იპოვნის.
რუსუდან გოგბერაშვილი
(ელგუჯას)
ისევ კაფიებს არიგებ
გუჯა, არ იშლი შენსასა.
ემანდ შენც ,,პოლზე არ გწყვიტოს"
ნუ ეხუმრები ეკასა.
ეკა ჯავახიშვილი
(ელგუჯას)
კრეტადან კაი სალამი,
სიტყვა გაგვიხდა ძვირია,
რა გინდა შუაღამისას
რას შამამიფრთხე ძილია.
რა კუდიანი, ავსული
ან რა ალების არია,
მინოტავრთანაც გამხადე
მებრძოლი მეომარია.
რას არბენინებ საცოდავს,
მუხლებს რისათვის უღლიო,
შენს ამორძალებს მიხედე
მე არვისთან მაქვს შუღლიო.
შენ ისე გამაპიარე
თავს რაღაც უნდა მიწიო,
იქნება ორთაბრძოლაში
არესმაც გამომიწვიოს.
დამიფიქსირე მრავალჯერ
მოგება, სუფთა იპონი,
ღადავს მოეშვი თორემა
რაც რუსომ გითხრა, იპოვნი.
გელა ციგროშვილი
(ელგუჯას)
რაღა დროს მინოტავრია,
რა ზვირთები და რა წყალი,
ამბობენ ლაბირინთებში
მთლად მიიხრწნაო საწყალი.
ფრთხილობენ თანამედროვე
მინოსი ეგეოსია,
დღეს ეკასნაირებისთვის
საზღვრად გაავლეს ტროსია.
ვაი,იმ ბეჩავს შემთხვევით
თუ სადმე მოახელებენ,
რქებს მოუმტვრევენ უბედურს
ძვალს და რბილს გაუმთელებენ.
ელგუჯა ციგროშვილი
(გელას)
ეკას ეგენი არ უჭირს,
არც ბებოს დაუხვალია
თუ რამე წყენა ახსოვდა
ერთად აიღო ვალია.
,,მააპირქვავა პოლზედა"
მთელი არ დარჩა ძვალია,
კარგი ქნეს, დროზე დამარხეს
იქ წაიშალა კვალია.
ეხლა მინოტავს თუ შახვდა
ვაი,იმისი ბრალია.
ელგუჯა ციგროშვილი
(რუსუდანს)
რუსო, შენ ეკას არ იცნობ,
მართლის მთქმელია პირშია,
ნახე, მინოტავრს რას უზავს,
რქებსაც დაამტვრევს ძირშია.
ყანწებად გამამიგზავნის,
ეგ არი ჩვენი პირობა,
ხომ ხედავთავსაც არ იქებს,
სჩვევია სიტყვაძვირობა.
მაგრამ მე რა გაამაჩერებს
დუშმანს დაუდგეს თვალები,
იმ ყანწით უნდა დაგლოცოთ
ჩვენი მოლექსე ქალები.
ეკა ჯავახიშვილი
(ელგუჯას)
გუჯა რთულ საქმეს მავალებ,
არ გერიდება იქითა,
მაგ ყანწს შენ მაინც ვერ დაცლი,
ისევ დაგვლოცე ჭიქითა.
მინოტავრის რქებს თუ უცდი,
ხარია, არვის ბარდება,
ჩვენც დასალოცი დავრჩებით,
ეგ ღვინოც დაგიძმარდება.
რუსუდან გოგბერაშვილი
(ეკას)
ეკავ, ისევ ისგირჩევნავ
მინოტავრს ეცე რქაშია,
იოლ გგონია ჩავარდნა
ციგრშვილების ყბაშია?
ეკაჯავახიშვილი
(რუსუდანს)
ციგროშვილები კი არა,
ფშავნიც დაიძრან მთიანად,
შიში არა მაქ მე მათი
ერთ ლუკმად ვიკმარ მთლიანად.
ელგუჯა ციგროშვილი
(გელას და ეკას)
მაღლით დავხედე ბრძოლის ველს
და შამიშინდა თვალია,
მიმოფანტული რითმები
სულ ნალეწ-ნამუსრალია.
კაფიისისმის ჯახება
დგას დიდი ცოდვა-ბრალია
დაასკვნის მეისტორიე
,,ჭიქაში-ქარიშხალია"7
გელამ ტრაქტატებ მიკითხა
საბას და ჟან-ჟაკ რუსოსი,
ეკას კაფია უწუნა
და მოიწონა რუსოსი?!
ძმაო, მე დაცვა არ მინდა,
ტყვიაში ვაჯენტყვიასა,
ზოგ უფროს მელექსებოდა,
ზოგიც მეძახდა ძიასა.
სუყველას რას გავიხსენებ,
უნდა ჩავხედო სიასა.
როვერვინ ვერსად ვერ მიკბენს
ვიძლევი გარანტიასა.
შენ და ეკასკი გატყობთ რომ
ბოლომდე ჰხარჯეთ კალამი...
ჯიუტად უცდით თუ რომლის
ჩამოვარდება ალამი.
პ.ს.
მე მომისმინეთ ორივემ
ბრძოლაში დაუცხრომელთა
არც მინოოტავრის რქები მსურს,
არც გაგონება ცხოველთა.
ცას ცისარტყელა დაჰკიდა
მისი ნათელი ჰყო ველთა,
და ასე ბრძანა უფალმაა
,,მშვიდობა ნახონ ყოველთა".
