სიყვარულის ძალა (სატრფიალო)

სიყვარულის ძალა

შენს სიზმრებში არ გამიღე კარი,

ბილიკები ვერ გავთელე შენკენ,

თითქოს ყელში გამეჩხირა ძვალი,

შეშფოთებით შორს ზარებიც რეკენ.

გამომწყვდეულს ქაჯთა ციხე-კოშკში,

მხოლოდ შავი უშენობა მზარავს,

თუ როდისმე ამ ტკივილით მოვკვდი,

შენ გადმოგცემ სიყვარულის ძალას.

რომ ყოველთვის ახლოს მყავდე მზესთან,

არ გამებნე გარიჟრაჟის ნისლში,

მიითვალე ჩემი გულის ფეთქვა, -

გაზაფხულის სუნთქვა მარადისი.

მაია დიაკონიძე

26.08.2025 წელი